तस्मिन्नद्रौ कतिचिदबलाविप्रयुक्तः स कामी
नीत्वा मासान् कनकवलयभ्रंशरिक्तप्रकोष्ठः ।
आषाढस्य प्र(श)थमदिवसे मेघमाश्लिष्टसानुं
वप्रक्रीडापरिणतगजप्रेक्षणीयं ददर्श ॥ २ ॥
शब्दार्थ:
अद्रि : पर्वत.
विप्रयुक्त ; विरही. separated. अबलाविप्र्युक्त: - विप्रयुक्त झाल्याने अबल - बलरहीत
प्रकोष्ठ: कोपर व मनगटामधला बाहूचा भाग. कनकवलयभ्रंशरिक्तप्रकोष्ठः - सोन्याचं कडं पडून रिकामं प्रकोष्ठ. विरहतापाने कृश झाल्याने वलय पडून गेले त्याचे यक्षाला भान नाही
आश्लिष्ट - आच्छादित - Embraced, clasped. सानु - शिखर.
वप्रक्रीडा: धडक देण्याची, उखडण्याचा खेळ/लीला. उत्खातकेली.
तस्मिन्नद्रौ कतिचिदबलाविप्रयुक्तः स कामी
नीत्वा मासान् कनकवलयभ्रंशरिक्तप्रकोष्ठः ।
आषाढस्य प्र(श)थमदिवसे मेघमाश्लिष्टसानुं
वप्रक्रीडापरिणतगजप्रेक्षणीयं ददर्श ॥ २ ॥
स कामी मेघमाश्लिष्टसानुं ददर्श
स कामी यक्ष कसा? कनकवलयभ्रंशरिक्तप्रकोष्ठः आणि अबलाविप्रयुक्त
मेघमाश्लिष्टसानुं कसे दिसत होते? वप्रक्रीडापरिणतगजप्रेक्षणीयं - तटाला धडक देऊन उखडून टाकणाऱ्या हत्तींसारखे, तिरके वाकलेले.
कोणाचे शिखर? - तस्मिन्नद्रौ - त्या पर्वताचे - रामटेक चे
कधी दिसले - आषाढस्य प्र(श)थमदिवसे - आषाढाच्या पहिल्या अथवा शेवटच्या दिवशी. काही महिन्यांनंतर. (आठ महिने असे अनुमान कारण पुढे एके ठिकाणी यक्ष म्हणतो की अजुन चार महिने राहिलेत.)
Notes
- आषाढाच्या प्रथम दिवशी विरही यक्षाला मेघांनी अवगुंठित शिखर दिसले, ते मेघ तटाला धडक देणाऱ्या हत्तींसारखे दिसत होते
- पर्वत शिखरावर हत्तीही फिरत असतील आणि मेघही जे एकमेकांसारखे दिसत आहेत. हा संदेहालंकार आहे
- धडका देणारे हत्ती दिसणे हा कार्यारंभी शुभ संकेत आहे. मत्तगजदर्शनात्‌ कार्यसिद्धिर्भवतिति सूचितम्‌(दक्षिणावर्त)
Comments
Post a Comment